Som resten av kroppens ledd, består albogen av mange strukturar. Her sit muskulatur, leddband, brusk, slimposar og ledd. Visste du at mange av musklane som styrer bevegelsane i handa og fingrane går over albogeleddet? Visste du at problem rundt albogen ikkje nødvendigvis treng å komme frå sjølve albogen, men komme frå strukturar høgare oppe, som for eksempel muskulatur og ledd i skulder, brystrygg og nakke? Du har kanskje fått enkemannsstøt? Dette kjem av at du dunkar borti ei av nervene som ligg i overflata akkurat rundt albogen.
Fall er ein vanleg måte å skade albogen på, anten rett på albogen eller fall på utstrekt arm. Her kan man skade ligamenta sånn at albogen blir ustabil og man kan få ein ruptur/strekk i musklar og sener. Om man landar rett på albogen kan man få ulike typar av frakturar/brudd.
Mange av dei vi møter på klinikken har smerter rundt albogen som skuldast over- og/eller feilbelastning. Dette kan for eksempel vere musearm/tenninsalboge som kanskje er ein av dei vanlegaste albogeplagane vi ser her på klinikken. Eit anna eksempel kan vere betennelse i albogens slimpose om man sit og lenar seg mykje på albogane. Rundt albogen går fleire nervar og blodårer som også kan vere påverka, anten direkte eller indirekte.
Musearm/tennisalboge
Har du kanskje kjent at etter ein lang dag ved PC ‘en begynne det å murre litt rundt albogen? Kanskje det strekk seg litt oppover overarmen, nedover underarmen og til fingrane også? Det startar kanskje som ein liten murring, men etter meir arbeid med PC ‘en begynne det å verke. Dette kan vere det som på daglegtale blir kalla «musearm». For mykje og gjentakande belastning på muskulaturen som strekker ut handa gjer at denne blir overbelasta og du kan få ein betennelse i muskulaturen her.
Kva kan du gjere sjølv?
- Eksentrisk trening av den påverka muskulaturen:
Bruk ein lett manual eller ei drikkeflaske som vekt. Legg underarmen på eit bord med handflata vendt ned og handa og handleddet utanfor bordet. Herifrå løfter du handa med manualen opp sånn at du fører handryggen mot deg. Når du har komt opp til topp-posisjonen, senker du handa sakte ned igjen til startposisjonen. Bruk gjerne 3-4 sekund på dette.
- Tøye underarmsmuskulaturen:
Strekk ut albogen, bøy handleddet sånn at handflata vender ned og mot kroppen. Så vrir du det bøygde handleddet ut til sida, altså ut frå kroppen sånn at du får ein god tøy i underarmen. Her kan du ta tak rundt handleddet med den andre handa for å hjelpe til med å få ein endå betre tøy.
- Massage underarm:
Du kan også prøve å trykke/massere litt på den ømme muskulaturen. Berre pass på så du ikkje sit og irritera det litt heile tida, men at du heller gje det nokre få gongar der du gjer det skikkeleg. Ver førebudd på at det her kan gjere ganske vondt.
Kjenner du deg igjen i nokre av desse plagene eller har spørsmål rundt noko av dette? Send meg gjerne ein mail på hanne@city-klinikken.no.
Klem frå Hanne, naprapat.
